English version follows.

Johansson, Sten: Denaska kongresano kaj aliaj noveloj. Skövde: Al-fab-et-o, 1992. 46p. Broŝurita.

Temas pri naŭ noveloj elsub la plumo de konata sveda verkanto en Esperanto. En la antaŭparolo, Stig Jacobson promesas, ke “banalaĵoj ne tedos vin” en ĉi tiu libro, kaj pri tio li pravas, kvankam ne ĉiu novelo estas poreterna literaturaĵo.

Por tre rapide skizi la enhavon: “La ĉokolada biskvito” en du paĝoj montras, ke estas tre danĝere kulpigi sen pruvaĵo. ⁽¹⁾ En “Krokizo” juna artisto trovas, ke ankaŭ estas danĝere apartigi la distran kaj laboran partojn de la cerbo. “La garantiulo” estas unu el kvin personoj kaptitaj dum aerkapero, sed li havas planon por eskapi vivanta … “Denaska kongresano”, la titolnovelo, estas ne tute serioza rerigardo al la historio de la Esperanto-movado depost la unua mondmilito. “Nils Lapono” estas sufiĉe bona montro, ke la oficialaj instancoj verkas la historion — por ĉiam. “Kiu kaĉon kuiris …” rakontas al ni pri fuĝado kaj hormonoj. Per “Spuro en blanko” ni trovas, ke la printempo ne estas la plej bona sezono por ĉiuj homoj en ĉiuj lokoj. “La viro kiu restos” estas vinjeto kiu per unuopa ekfoto montras la senhaltan pluiradon de la progreso, kaj kiel ĝi postlasas la maljunajn; stile, ĝi ŝajnas veni ĝuste el tia lingvo-lernolibro, kian legi plaĉus al mi. La titolo “Renkontiĝo kun boaco” jam donas al la leganto ideon pri la enhavo de ĉi tiu tripaĝa novelo, kiu finas la libron; post lego, eble kelkaj usonanoj ankaŭ pensos pri la filmo Harry and the Hendersons.

La libro estas plezure legebla. Malgraŭ dua premio en la Belartaj Konkursoj de UEA, “La garantiulo” ŝajnis al mi la plej malgrava, kaj efike maltrafa, novelo en la grupo. Aliflanke, mi trovis “Nils Lapono” kaj “La viro kiu restos” vere legindaj, la unua pro sia interesa — kaj sufiĉe rapida — tezo pri la fontoj de la historio, kiun ni lernas kaj la dua pro sia aparte interesa stilo. Rilate la titolnovelo, esperantistoj (kaj eble kelkaj aliaj) trovos ĝin amuza kaj iom instrua.

Libro por sin distri dum (mallonga) vespero.

⁽¹⁾ Oni trovas similan anekdoton en la libreto Vienaj legendoj.

Johansson, Sten: Born to the Conference and Other Stories. Skövde: Al-fab-et-o, 1992. 46p. Paperback.

These are nine short stories from the pen of a well known Swedish Esperanto author. In the preface, Stig Jacobson promises that “there will be no flat and boring items” in this book, and he is right about this, although not every short story is literature for eternity.

To sketch the contents very quickly: “The Chocolate Cookie” takes two pages to show that it is very dangerous to blame somebody without proof. ⁽¹⁾ In “Sketch” a young artist finds that it is also dangerous to separate the recreational and working parts of the brain. “The Hostage” is one of five people caught in an aerial hijacking, but he has a plan to escape alive … “Born to the Conference”, the title story, is a not completely serious overview of the history of the Esperanto movement in the years since the First World War. “Nils the Lapp” is a very good demonstration that history is written by official instances — forever. “She Who Cooked the Porridge …” talks to us of flight and hormones. In “A Trail in White” we discover that spring is not the best season for all people in all places. “The Man Who Will Stay” is a vignette which in a single snapshot shows the relentless advance of progress, and how it leaves the old behind; stylistically, it seems to come right out of the sort of language textbook that I would like to read. The title “Meeting With a Reindeer” in itself gives the reader an idea of the content of this three-page story, which finishes the book; after reading, some Americans may also think of the film Harry and the Hendersons.

The book can be read with pleasure. Despite a second prize in the Arts Contets of UEA, “The Hostage” seemed to me the least, and in its effects least on the mark, story in the group. On the other hand, I found “Nils the Lapp” and “The Man Who Will Stay” genuinely worth reading, the first for its interesting — and quite rapid — thesis about the sources of the history that we learn and the second for its especially interesting style. With respect to the title story, Esperanto speakers (and perhaps some others) will find it amusing and somewhat instructive.

A book for recreation during a (short) evening.

⁽¹⁾ A similar anecdote is found in the booklet Vienaj legendoj.